广州人嘅“子孙桶”
白话广州
早嗰排，喺网上热传一段图文：中国的痰盂在外国亚马逊网站上开卖，用来装食物……
相信好多广州街坊睇到都会讲：呢个咪我哋讲嘅“子孙桶”。
痰盂，广州人系叫做痰罐。同外地人一样，呢个嘢最早嘅用途系用嚟装口痰或者小朋友屎尿嘅。不过，痰罐喺广州人生活中仲有一个名——子孙桶，系结婚嗰时，女家必配嘅嫁妆之一。
喺旧时习俗中，子孙桶包括马桶、脚盆同水桶，但喺现代，因为生活嘅改善，子孙桶就“三合为一”变成一个痰罐代替晒。
作为嫁妆嘅子孙桶认真唔嘢少嘎。就算女家再冇钱，呢样嘢都一定要有，事关佢寓意新娘子早日生仔。
搬嫁妆时，子孙桶唔系就咁拎去新屋咁简单嘎，而系要按习俗“程序”：首先，搬嫁妆去新屋，子孙桶要第一个到达新房；然后喺子孙桶里面放封利是、百果；之后攞起桶内嘅嘢，要一个男童屙笃尿入去，再将利是俾呢个男童。做足呢啲嘢，先讲明子孙桶将子孙福气带咗俾新人。
讲返嗰个网站将子孙桶用嚟装食物，的确几搞笑，但喺广州人生活中，子孙桶原本嘅用途亦早就被忽略，如果仅作为一个器皿，同样可能有人用佢嚟装食物，呵呵呵。◎阿六 律师
新闻推荐
广州中考今起报名 学籍和户籍怎么选区别大小升初家长也需关注，关乎将来录取范围和几率
羊城晚报记者蒋隽今天是广州中考报名首日。今年是广州中考改革第一年，考试内容、科目分值、录取方式都有变化...