讲“富贵”要谨慎
白 话广州
新年见面，大家都唔少得同对方讲番啲带吉祥字眼嘅说话，不过，喺广州等粤语地区并唔系所有“吉祥话”都系吉祥嘎，有啲可能系反话，要慎用。
比如，“富贵”本义系吉祥嘅，但如果你认为讲“祝你冚家富贵”系祝人哋全家富贵，咁就错喇。呢句话喺粤语地区系一句咒人全家都死嘅恶毒说话，意思同字义啱啱相反。
呢句话成反话固然同另一句咒人话“冚家铲”有关，但“富贵”就算冇带“冚家”亦要小心用，比如周星驰电影《白脸包青天》中，李莲英同包龙星喺公堂斗闹嗰场戏，佢最后嗰句“我顶你花开又富贵”，同样系咒人衰嘅话。
点解粤语地区啲人将“富贵”借作反话呢？坊间咁讲嘅——
以前啲百姓都好穷嘅，买乜嘢都贵，唯独买冥币系平，用好少嘅钱就可以买到上千万嘅“钱”，但呢啲“钱”系俾先人嘅，大家就无奈咁认为，穷人只有死咗先至得“富贵”。所以“富贵”系叫人家去死，“冚家富贵”就变成反话，后嚟仲引申出意思相同嘅“冚家祥”。
不过，大家亦唔使忌讳到连“富贵”两个字都唔敢提，关键系点样运用啫，比如讲“祝你哋大富大贵”，将“富贵”拆开咗，咁就冇问题啦。◎阿六 律师
新闻推荐
据新华社广州2月12日电（记者壮锦）在广州学习按摩的视障学生梁肖妃，今年春节没能回广西老家。但令她感到温暖的是，除夕前...