玩转广州塔
白 话广州
外地朋友嚟广州过年，游览广州塔系必不可少嘅节目。咁，点样玩广州塔先至可以“连汁都捞埋”呢？有几条游玩贴士可以俾大家参考。
而家登广州塔，有几种票价可以俾你拣，其中可以游览嘅项目有多有少。如果你系第一次，就建议拣项目最多嘅嗰张套票，因为如果唔玩晒就会有遗憾。
上广州塔，首先会嚟到107层嘅白云观光大厅同埋108层嘅星空观光大厅，呢两层都有一个凸出嘅玻璃平台俾游客影相。跟住可以再上到111层嘅塔顶户外观景平台（450米高）。既然一场嚟到，呢个户外观景平台建议一定要上去，仲要坐埋佢嗰个户外摩天轮先至够刺激，佢喺460米嘅高空，慢慢噉围住塔身转一圈，喺入边你可以尽情噉俯瞰广州市区。玩完呢个，其实仲可以更上一层楼，直上488米高嘅户外观景小平台——呢个系游客可以登上广州塔嘅最高处。好多人都唔知道，买咗套票反而冇玩到，佢要喺摩天轮嗰层再坐电梯上去，嗰个平台唔系好大，但系佢可以毫无遮挡噉俾你影晒周边嘅美景。
仲有一个贴士：玩完落返嚟，系东登塔入口呢边，可以凭票免费去到塔下嗰个珠江摄影平台玩，嗰度又可以尽情噉影影影。◎阮栩 编辑
新闻推荐
信息时报讯（记者何小敏通讯员向梅芳郭庆文）国家统计局广州调查队数据显示：1月份，广州居民消费价格指数（简称CPI）环比上涨0.9%，其...