“泮塘”定“半塘”

白话广州

讲开西关，就不得不讲泮塘。前段时间有个新闻，话泮塘五约嘅居民认为微改造之后依然美中不足，大家收集未兑现嘅微心愿，希望呢个地方可以尽善尽美。

泮塘最风光嘅时候，要数“五代十国”嘅南汉王朝。当时嘅皇帝大兴土木，周围起御花园，泮塘呢度种满奇花异草，著名嘅“昌华苑”亦都系呢个时期嘅代表作。

不过，泮塘最早唔叫“泮塘”，而系“半塘”。有人话呢个地名系出自“方圆二十里一半系鱼塘”嘅讲法，亦都有人话系出自一位教书先生。呢位先生话“半半声唔好听”，所以加个三点水，将“半”改成“泮”。不过，第二种讲法亦都有啲牵强，因为广州话里边“半”“泮”同音，只不过系声调唔一样。照咁讲，“泮泮声”一样唔好听。

泮塘另一个出名嘅系佢嘅特产——五秀，即莲藕、菱角、茭笋、马蹄同茨菰。而据讲“五秀”之前亦都唔叫“五秀”，叫做“五瘦”。因为呢几种水生植物属于“瘦物”，煮嘅时候要落足油。有个秀才嫌“瘦”字唔好，于是将佢改成“秀”。

无论呢啲讲法系确有其事定穿凿附会，都可以睇出泮塘风雅嘅一面，当地民众希望呢个地方更靓嘅心愿就可以理解喇。◎李月婷 媒体人

新闻推荐

困难群众每人可领200元春节补助 惠及8.9万市民，相关部门正在加快发放工作

信息时报讯（记者何小敏通讯员穗发宣）为进一步保障好困难群众生活，确保困难群众度过一个温暖祥和的春节，经市政府同意，广州市发...