去陶陶居怀旧

白 话广州

新闻话，闭馆两年半嘅陶陶居总店今日试业。阔别咗咁耐嘅陶陶居，今次“重出江湖”，主打嘅系怀旧牌。据介绍，佢将会推出好多广府嘅怀旧菜，重现当年经典嘅广府美味。

陶陶居，系广州众多食肆入边独树一帜嘅存在，皆因佢嘅经营手法好灵活，当年搞咗好多噱头。以前过年，佢就会摆“花阵”迎客，喺大堂用大花樽插住一樖好大嘅绯桃树，花枝覆盖晒成个铺面，而楼上嘅厅房都会插满桃花，一派春意盎然嘅气氛。有一年，隔篱嘅莲香楼先拔头筹，买咗樖更大嘅绯桃树。买唔到咁大樖桃树嘅陶陶居，就灵机一动，除咗桃花，仲买咗牡丹同水仙，间间房都摆晒，寓意“花开富贵”。呢个桥段，当时一直俾人津津乐道。

陶陶居呢个建筑，原来系清朝大官嘅私邸，当时叫做“霜华书院”。而家重新开张就恢复咗以前屋入边嘅天井，呢啲就系岭南建筑嘅精髓之一。而今次嘅“广府怀旧菜”，包括咗香煎琵琶豆腐、传统鱼香茄子煲、清炖鸡，同埋经典斋菜根基长养。其实，陶陶居以前都有唔少知名菜式，比如，“南朝金粉”“越国公煎碎金饭”，文雅得嚟又好味。

呢个春节，各位街坊不妨去陶陶居饮茶怀下旧啦。

◎阮栩 编辑

新闻推荐

羊城晚报记者实地探访广州各类商超，了解春节期间食品供应情况重点商超年货储备量较去年增加一倍

羊城晚报记者孙绮曼春节即将到来，市民的“米袋子”“菜篮子”满不满？近期，羊城晚报记者连续多日探访江南果...