年夜饭食外卖
白 话广州
年夜饭试唔试下“外卖”？米咁快摇头住！如果你知道系五星级酒店嘅大厨手作，会唔会心动呢？报纸话，今年包括白云宾馆、63层等，都准备搞年夜饭外卖，送餐上门。
旧时，大家嘅年夜饭都喺屋企自己整，自从啲酒楼推出年夜饭之后，唔少广州街坊嘅年夜饭都中意到酒楼食。原因好简单，去酒楼食干手净脚，尤其系有啲大家庭人多，咁就悭咗唔少功夫。
在倡议之下，今年估计留喺广州过年嘅人会多咗。如果大家都挤到酒楼，确实有风险，所以啲酒楼推出外卖，真系好办法。对于商家来讲，年夜饭外卖一来避免疫情嘅风险，二来亦增加生意额。对于街坊来讲，唔好以为外卖就冇咁好味，事关酒楼有唔少办法保证佢哋嘅原汁原味。譬如有啲酒楼仲专门研发咗真空包装菜，放入微波炉，叮一下就可以开餐。咁样，省去咗到酒楼嘅麻烦，减少风险，亦唔使提前抢位。
计我话，年夜饭外卖仲有两个好处：一就系搭配更加灵活。譬如，部分菜式订餐之外，仲可以自己整返两味拿手菜，唔使全部都外卖；第二就系酒水亦可以更灵活，想饮乜嘢都得，唔使受限于酒楼，亦唔使开车返屋企，可以放心饮两杯。◎闻歌 媒体人
新闻推荐
广州日报讯（全媒体记者伍仞通讯员穗卫健宣）广州市卫生健康委昨天通报，1月22日0时至24时，广州市无新增境外输入确诊病例。...