我与警察嘅故事

白话广州

上个周日系警察节，趁呢个热点仲有余温，讲两单自己同广州警察嘅故事。

1993年某日晚黑约10点，小弟喺广园路踩单车经麓湖路返去环市路。一入麓湖路，哇！成条路冇路灯，四周静嘤嘤都系树林。嗰时广州治安唔系几好，间唔中都听到喺郊野有案件发生，所以我越踩越惊。点办呢？呢个时候，我隐约见到前面同向亦有个人喺度踩单车，睇真啲，咦，系个着制服嘅阿Sir(冇佩戴装备)。唔使惊喇！我嗱嗱临踩快几脚，跟住佢后面……?

有阿Sir全程喺前面“开路”，我无惊无险咁踩过麓湖路。

1996年年底，小弟喺芳村兴东路住过几个月，因上中班，每晚都要十一二点打摩的返屋企。嗰时街头时不时有匪徒开摩托车作案，尤其晚黑，所以我每次打摩的都有啲惊。后嚟小弟发现，自己住嗰度隔篱就系石围塘派出所，有计……?

自此，我打摩的时都霸气咁同啲摩托佬讲“去兴东路石围塘派出所！”

有呢句嘢压阵，小弟定过抬油，晚晚平安到家。

喺香港，受警察保护，坊间嗰时称为“有皇气照”，而喺广州，呢种叫正气，警察正，坏人邪，有正气照住，邪不胜正，市民冇有使惊。◎阿六 律师

新闻推荐

2020广州市校园足球“最佳进球”等你来投票“一锤定音”，花城绿茵少年谁最强？

去年，本地一系列的校园足球竞赛活动产生了大量精彩的进球。（新华社，图文无关）广州日报全媒体记者张喆由广州市学生体...