盘活古村落设想
白话广州
新闻话，广州13条国家级传统村落而家已经全部完成咗挂牌工作。呢几年，广州喺盘活古村落上边不遗余力，好多村落已经初见成效。
呢啲古村落，大大话话都有几百年嘅历史，最特别嘅就系岭南特色古建筑。好似小洲村，就有岭南地区好少见嘅蚝壳屋。呢13条村落，我谂可以分为几类进行推广。
第一，利用古建筑重现当年村落生活。聚龙村、沙湾北村、钟楼村呢啲，佢哋喺开村嗰时就已经好有规模，啲古街古屋非常齐整。沙湾北村就有体现沙湾古镇风貌嘅车陂街；从化嘅钟楼村仲有城墙、护城河同埋炮楼。一旦重现当年盛景，呢种穿越就好有新鲜感。
第二，发展特色村落经济。小洲村、大岭村、深井村呢啲水乡水道，可以营造商业文化氛围，做成悠闲游嘅古村。小洲村就好有代表性，佢嘅古码头、古商业街、古桥、古树、古溪，已经吸引咗好多人前嚟打卡。而喺广州周边嘅村落，除咗利用农耕项目吸引市民嚟体验，仲可以改造或打造成新建筑，串联起旧有岭南特色建筑，构建人文、生态旅游链条。花都嘅港头村就做紧呢种尝试，佢要引入文创教育、艺术展览、餐饮娱乐等多元业态，用新旧岭南建筑打动市民。◎阮栩 编辑
新闻推荐
从化区龙潭中学班级七年级康雅姿指导老师刘雪芬祖国是我们的母亲，人们常常这样说。我曾问过爷爷为什么，爷爷微微一笑，抚摸着...