点解从化特别冻
白话广州
广州好少落雪，所以街坊对于“雪”都有啲执念。前两日，从化求其撒咗啲小冰粒，学名叫做“霰”，大家就开心到乜咁。仲有人问：“几时落到来市区啊？”不过，呢个问题就遭到咗“广州天气”微博号嘅高冷回应：“从化，广州西伯利亚。其他区？你觉得温度可以同从化比咩？”
从化叫做“广州西伯利亚”的确唔系一日两日了。如果大家对气象感兴趣就会留意到，每逢夏天全市30几℃嘅时候，地图上经常有一个地方系“2字头”，零零舍舍惹人妒忌咁成为一个显眼嘅存在，而呢个地方就系“大岭山林场”啦。佢位于从化森林公园石洞中心景区里面，长年林茂水清，气温宜人，系城市嘅一处清凉胜景。
从大岭山林场嘅状况，我哋亦可以睇出从化特别冻嘅两个原因。一系山多，广州有11座海拔千米以上嘅高山，从化就占咗10座，山高自然散热快，又有清劲山谷风，“呼呼”声一吹，想唔冻都好难啦。二系生态特别好，森林覆盖率将近七成，树冠可以辐射同吸收太阳热能，因此就抑制咗气温嘅上升啦。
种种自然条件，令从化成为广州一处清凉所在。等到夏天，大家不妨去避暑体验一下啦。◎梁倩薇 编辑
新闻推荐
水汽虽然不足，但不影响广州在小寒节气到来前“下第一场雪”。4日，记者在广州黄埔萝岗香雪公园、广州科学城市民广...