百货店开通宵？

白话广州

最近，广州北京路有好几间百货商场实行周五至周日“24小时不打烊”，即通宵营业。

百货商家通宵卖嘢，喺小弟记忆中应该系第一次，咁样掂唔掂嘎？因为啱啱先开始搞，宜家好难有定论，不过，小弟对呢种做法嘅效果唔系几睇好。

冇错，广州人嘅夜生活系多姿多彩嘅，“夜消费”的确系一嚿“肥猪肉”，但从消费方式同时段睇，百货商场开通宵可能连灯油火蜡都蚀埋，所以冇必要。

广州人嘅夜消费，大体上可以分几类。第一类系饮食：夜茶(消费时段系晚黑约9点到约12点)；消夜(消费时段系晚黑约12点到次日凌晨约2点）。第二类系娱乐(包括电影、唱K、酒吧)，消费时段同饮食差唔多。

咁百货呢？有，第三类系百货(包括步行街)，但消费时段最夜唔超过晚黑12点。

上述，应该系绝大多数广州人“夜蒲”嘅时间吧，亦即系讲，真正“蒲”得夜嘅系饮食、娱乐，并且亦唔会通宵。

广州人夜消费嘅口头禅系“晚饭、卡拉OK、消夜直落”，但从来冇听过“晚饭、卡拉OK、行街买嘢”。

真系好难想像到，凌晨3点到6点，会有几多人去行百货商场买嘢。

◎阿六 律师

新闻推荐

传闻中超四队都有兴趣 零转会费的科斯塔挺香？

信息时报讯（记者白云）北京时间昨日，欧洲资深体育记者爆料宣称，广州恒大有意签下刚刚离开马竞的西班牙前锋迭戈·科斯塔，目前科...