落唔落雪啊

白话广州

写紧呢篇文章嘅时候，广州人正顶住25℃气温，开住空调，食住雪条，等紧年尾最强嘅一场冷空气。好多街坊听讲今次最低会跌到3℃，会真正带来入冬嘅感觉，就走去“广州天气”嘅微博账号下面问：“点啊，会唔会落雪啊？”呢种提问已经成为惯例了。

广州街坊点解咁关心落雪？无他，因为好少见咯。资料显示，自宋淳祐五年到新中国成立，广州落雪记录只有区区8次；加埋2016年1月24号“系咁倚”飘落嘅嗰一阵，9次，连埋两只手掌都数得晒，你话系唔系矜贵呢？

广州落雪难，只能讲，佢实在太“南”了。地处亚热带长年高温，难得跌到0℃以下。加之落雪又需要足够嘅水汽，要就啱时间先至落得到。条件太多，难以全部满足，于是乎，落一场雪就会变成全城盛事。

2016年嗰场雪，盛事到咩程度？听讲，有人好不容易做咗一只手掌咁大嘅雪人，唔舍得丢，最后放入冰箱速冻嗰格，摆到家下。每逢听到有冷空气就发张图出来，顺便问下：今年会唔会落雪啊？

◎梁倩薇 编辑

新闻推荐

产业园如何搭上智慧能源快车？羊城创意产业园将插上科创翅膀成节能减排新示范点

孙耀杰教授接受羊城晚报记者采访文/图羊城晚报记者陈泽云孙晶实习生许张超走在园区广场等公共区域的人...