黄埔新旧八景

白 话广州

庙头村呢个海丝文化嘅标志地，同黄埔特殊嘅地理位置分唔开。黄埔历来既系水上交通要道，又系对外贸易口岸。以前有扶胥古港，而家就有广州港。

黄埔有唔少出名嘅景点就系同“海”有关。以前嘅“羊城八景”，黄埔就有三个景点入选。第一个系“扶胥浴日”，宋元时期，扶胥古港前边系一片“大海”，一望无际，咁就形成咗海上生朝阳嘅奇景。当时好多文人墨客为咗睇呢个景，往往会泛舟夜宿海上，等到第二日天蒙蒙光，先至登上南海神庙前面嗰座章丘岗睇日出。据讲，日出时嘅景色非常雄伟，映照到成个海金光闪闪，瑰丽无比。呢个奇景仲吸引咗当时嘅大诗人苏东坡到嚟，佢仲留低咗“南海浴日亭”呢首诗。

第二个景点系清朝时嘅“东海鱼珠”，喺而家鱼珠至黄埔老港区嘅东面河段。曾经有一旧大礁石露出水面，随住水涨水落就会时隐时现，佢俾江水冲刷到好似粒珠咁圆滑，就俾人叫做“鱼珠石”。日落日出嗰时，佢就似一粒闪闪发光嘅珍珠浮喺江面。

仲有一个就系1986年评出嘅“黄埔云樯”。喺黄埔港附近，万吨级码头连成一片，码头上嘅龙门吊高耸入云，喺海天相映之下，非常壮观。◎阮栩 编辑

新闻推荐

羊城晚报报业集团再次入选世界媒体500强位列第286位，较去年上升23位

羊城晚报讯记者王莉报道：由世界媒体实验室和世界经理人集团联合编制的2020年度(第八届)《世界媒体500强》排行榜于12...