90年前“广马”
白话广州
2020广州马拉松啱啱落幕。呢项赛事，每一届都相当墟撼。好多人都知道佢创办于2012年，却未必知道，早喺90年前，广州就开始有正式嘅环市赛跑了。
嗰个时代嘅长跑赛事，就梗系有嗰个时代嘅特点啦。就以“创办原因”来讲，以前中国传统运动本来无长跑，后尾，第五届远东运动会喺上海举办，“马拉松”正式进入国人视野——但系冠军就被日本人抢走咗。呢个消息一传到广州，大家就“可恼也”了，发誓要强身健体，奋发图强。于是从1930年开始，广州连气办咗8届环市跑，掀起全民健身热潮。
长跑系一项考验人嘅运动，所以每届比赛都会出现一啲激动人心嘅故事。就讲90年前，由于风气保守，广州环市跑一直系男性嘅天下。当时参赛选手虽然有成百人之多，但女仔嘅数目少到两只手都数得晒，真系要几矜贵有几矜贵。但系，女仔人数少，唔等于成绩差喔。1933年，市立十六小学女生谭秀容就一举夺得咗环市跑亚军。其时，佢嘅同学开心到揾来咗几架汽车，载上秀容同奖品满城兜风，大放炮仗庆祝，惹来沿途欢呼不断。呢一幕，亦成为嗰个战乱时代一段难得嘅开心记忆啦。
◎梁倩薇 编辑
新闻推荐
一人份示意图：青菜200克鸡爪100克虾饺90克两人份示意图：青菜200克排骨150克鸡爪100克虾饺90克广州医科大学附属第一医...