石门睇红叶
白 话广州
广州人系好有眼福嘅！秋冬时节，除咗可以去萝岗“赏雪”，仲可以去从化石门睇“红叶”。新闻话，石门国家森林公园第十八届红叶观赏节今日就要拉开帷幕。
呢个石门森林公园，一向俾人叫做“广州香山”。每年嘅12月中下旬到元旦期间，呢度漫山遍野嘅枫叶好似火咁旺，加埋呢个红叶观赏节，佢已经成为市民每年冬季打卡嘅热门地点。据讲，公园入边嘅红叶有3000几亩，以枫树、山乌桕同埋槭树为主。呢啲树嘅红又都唔一样，好似枫叶系猩红色，槭树系橙红色，山乌桕系深红色……
喺呢度睇红叶，其实都几讲究嘅：首先，呢度啲树木都系分区种植，山乌桕主要喺石灶风景区，漫山遍野都系；喺莲花湖景区，就系睇枫树林；而喺白茫潭休闲区入边，就系睇水景红叶。仲有，红叶嘅鲜红程度同温差有关，温差越大，红叶就越红。如果天气好，有阳光，就更鲜艳，嗰时影出嚟嘅红叶就真系完美啦。
喺石门森林公园，除咗红叶，其它月份都有唔同嘅赏花期。比如，一月可以赏梅花；到咗三四月，禾雀花就开啦；八到十月有油菜花……总之，嚟石门森林公园，一年四季都可以赏花，仲保证系百分百原生态嘅。
◎阮栩 编辑
新闻推荐
广州日报讯（全媒体记者黄庆）根据企业群众办事特点和实际需求，为了提供更便利的政务服务，自12月1日起，全市各级政务服务大...