广州5G畅想
白话广州
2020世界5G大会喺广州闭幕。盛会举行期间，好多超前嘅5G技术同应用让市民大开眼界。
其实，5G早就唔知唔觉咁出现喺我哋身边，最简单嘅就系5G嘅手机网络，广州全市已经建成咗3.9万座基站，主要城区基本实现覆盖。市民想用5G网络，换部5G手机就可以啦。如果5G应用真系全面覆盖咗，到时嘅“5G广州”会系点嘅呢？我哋不妨根据而家嘅发展嚟畅想一下：
朝早出门，小区入边嘅电灯柱隔篱仲停住充电嘅私家车，呢啲智能灯柱唔单止喺5G微基站，仲系充电桩，车主掹咗充电线之后，佢嘅手机就已经扣咗钱。行出小区，迎面开嚟一部无人驾驶嘅智能清扫车，佢一边扫紧啲边角位，一边喷水冲洗，见到前边有人，就离远停低，等啲人行远咗再继续打扫。行入地铁站，排队入闸嘅人流郁得好快，因为唔使滴卡，对住闸机嘅屏幕，人面即刻就识别，开闸过机几乎系同步。出咗地铁转BRT，人面识别上车，司机关咗门，就净系睇住啲屏幕同路面，原来公交车都系无人驾驶……
呢啲想象，只不过系未来广州5G应用嘅冰山一角，现实可能会超出想象，到时一定方便到你“哗哗”声。
◎阮栩 编辑
新闻推荐
新华社多哈12月1日电2020赛季亚冠联赛1日在卡塔尔多哈进行了3场小组赛，在两场有中超球队出战的比赛中，广州恒大1∶1战...