马勒当拿与广州

白 话广州

一代足球巨星马勒当拿(粤语译音)25日不幸离世，令全世界球迷深感惋惜。

老马自从1997年退役后，经常造访世界各地，包括广州。喺呢度同大家回忆一下八年前佢同广州嘅两件事。

2012年8月22日，喺越秀区大沙头，有一间主题餐厅开业。呢间餐厅来头唔细，个名就叫做传奇10号马拉多纳足球餐厅。当日傍晚，马勒多拿亲自到场祝贺，虽然只系停留咗几分钟，但已赚足眼球，几十名广州球迷着住阿根廷球衣冒雨近距离接触到球王，引起一个小轰动。

另一单事同中超球队广州富力有关。

喺传奇10号餐厅开业前嘅8月19日，广州富力喺广州大学城主场迎战联赛对手山东鲁能，当时嘅富力好劲，成绩名列积分榜前列。呢场波开波前，有关方面知道马勒当拿当时喺广州，所以就想请佢嚟主场撑富力，如果球王到场，将系广州球迷一大幸事，可惜，后嚟因为一啲细节问题，老马最终冇嚟到。

事实上，马勒当拿一向都系广州球迷心目中嘅超级偶像，佢矮细嘅身型、灵活嘅下盘功夫，似足我哋嘅南派足球风格，所以大家都好中意。

马勒当拿，一路走好，广州球迷会记住你。

◎阿六 律师

新闻推荐

高校毕业生就业服务周招聘大会拉开帷幕约200家单位抢广州毕业生

羊城晚报讯记者周聪、通讯员中南人宣报道：27日，2020年全国人力资源市场高校毕业生就业服务周（广州市）招聘大会拉开帷幕。...