罗汉松点解贵

白话广州

一棵罗汉松，喺你心目中可以卖几钱？前两日，花都区瑞岭村盆景艺术节就举行咗一场拍卖，其中一棵300岁嘅罗汉松就拍出680万之多。

罗汉松系岭南盆景中嘅名木，时不时都会出啲贵嘢。至于点解可以卖到咁贵，除咗因为老树难得之外，仲要多得历代匠人为佢哋赋予嘅价值。

讲到“岭南盆景”嘅兴起，就不能不提上世纪30年代嘅芳村。事关当时，芳村作为广州花木嘅种植同集散地，逐渐聚集咗一批盆景艺术大师，包括孔泰初、陆学明等等都系当时嘅名家。佢哋借鉴岭南画派嘅风格，对传统盆景艺术作出变革，终于闯出咗一条岭南艺术特色之路。

呢啲盆景名家创制嘅技法，好多都相当考功夫，比如“截干蓄枝”呢种手法，就需要艺术家将树干一节一节截走，再重新培育新枝，按照原来设计嘅形态慢慢长出优美嘅构图……呢几句话，讲起上来就好容易，但要真正实现，无得几年甚至几十年都根本做唔到。个中所花费嘅心血，摊到680万上面，其实亦唔算好多啦。

正因为咁样，岭南盆景时常价值不菲，仲成为咗广州贸易嘅一个重要产业，继续将艺术与美嘅享受带到全世界嘅每个角落。◎梁倩薇 编辑

新闻推荐

箱包产业带转型上线狮岭样本：共享经济迈向产业互联网 共享制造降本增效

金圣斯集团的阳光六号直播基地里，主播正在镜头前直播带货。隆卓皮具的全自动裁床机正在开工。位于广州花都区狮岭镇的隆卓...