江南百花鸡

信息时报 2020-10-29 08:43

白话广州

新闻话，上个星期，一个叫做“消失的名菜”嘅活动喺镇海楼举行，活动中公布咗一批复原嘅粤式名菜，好似“江南百花鸡”“金银鸡蛋糕”“菠萝浴日”呢啲消失咗嘅菜式，又逐一出现喺市民嘅面前。喺活动现场，厨师都讲明，“江南百花鸡”呢个菜好难复原，佢嘅关键系鸡皮唔可以缩水，要同啲虾肉融为一体。

咦！乜鸡入边系虾肉来嘅？原来，呢个“江南百花鸡”以前系文园酒家自创嘅首本名菜。相传，文园嘅店主为咗招徕多啲顾客，就谂住创制啲招牌菜式，于是，佢去咗江浙一带实地考察，采集咗唔少食谱。返嚟之后，就同厨师们一齐，共同研制出呢道名菜。呢道菜虽然有“鸡”嘅名，但系入边却唔系鸡肉。佢系从鸡颈开始，将成块鸡皮起出嚟，将虾胶摊瓤喺鸡皮下，再蒸熟，最后用菊花打芡，淋喺鸡上边。装盘时用夜来香或者白菊花做伴碟，所以就叫做“百花鸡”。除咗鸡皮，打虾胶都系比较难做嘅工序之一。

据讲，呢道菜香甜爽滑，肥而不腻，清而不滞，喺夏秋两季都好适合食用。呢道菜出咗名之后，就有咗“（食）江南百花鸡，胜过食龙肉”嘅讲法。而家，呢道名菜又“复活”返，到时市民就有口福啦。

◎阮栩编辑

今年6月，广粤国际社区组织中外居民齐聚“议事厅”，为社区建设集思广益。受访者供图广粤国际社区服务中心效果图。受访者供...