生猛二沙岛
白话广州
去开二沙岛嘅街坊可能都会发现，最近岛上嘅体育设施增添咗唔少智能元素。设备装上太阳能发电系统，可以实时收集运动数据，只要扫二维码就可以读取，想据此调整自己嘅运动状态亦都变到更加容易啦。呢啲改造，亦令到二沙岛嘅体育氛围变得更具科技感，更加吸引人。
事实上，二沙作为“运动岛”嘅氛围已经形成咗好多年了。佢最早系珠江主航道上嘅一片沙地，到咗1954年，国家为咗备战奥运，就喺岛上起咗一座体育训练中心，从此奠定咗佢喺体育界嘅地位：包括中国第一位跳水女世界冠军陈肖霞、第一个世界纪录创造者陈镜开、第一个世界冠军容国团等等都喺二沙岛训练过。以致而家，岛上依然有一座露天跳水台，因为培养出众多跳水冠军而被保留落来，纳入广州市第五批历史建筑保护名单。
由于体育设施完备，二沙岛逐渐成为市民运动健身嘅理想地点。上世纪末，岛上出现咗好多小店，专卖波衫波鞋同体育器材，亦逐渐吸引咗更多嘅运动发烧友前来打趸。如今，随住城市嘅进一步升级改造，体育公园规划建成，二沙岛嘅运动环境亦喺度不断咁优化，成为广州人智慧生活中不可缺少嘅重要部分。
◎梁倩薇 编辑
新闻推荐
俗话说“补冬不如补霜降”，无论是在饮食养生，还是精神调养上，老人都需要谨慎对待。专家：霜降宜平补广州中医药大...