传统花车路
白 话广州
因为年底好多人结婚，广州有关部门最近发布咗几条婚庆旅游线路，供结婚人士选择。
呢啲婚庆线路主要系同“游”“食”有关，而广州传统上亦有婚庆路，不过，呢种路主要系同路名够吉祥有关，接新娘嘅花车都钟意行经一下，意在兜番个好意头，所以呢啲路又叫做“花车路”，各区或多或少都有。小弟今日就“搭单”将呢啲路送俾即将拉埋天窗嘅新人。
越秀区：吉祥路、盘福路、万福路、泰康路……
荔湾区：长寿路、多宝路、华贵路、如意坊……
海珠区：同福路、福场路、荔福路、万寿路、同庆路……
白云区：恒福路、永福路……
呢啲路名，字面上就睇出系大吉大利，而一啲因同音、近音或可寓意吉祥嘅路名，亦被作为“花车路”：比如，越秀区嘅连新路，近音连心，寓意心连心；百子横路，寓意百子千孙；荔湾区嘅梯云路，寓意平步青云；白云区嘅童心路，同音同心……
天河、番禺等外围区亦有类似嘅路，但就冇上述几个区多。
广州呢啲“花车路”，因为分布喺各区，所以接新娘嗰时，无论系同区接，定系跨区接，花车都可有多种选择。
◎阿六 律师
新闻推荐
近日，广州海关所属番禺海关查验检出一批挥发性有机化合物（VOC）严重超标的不合格进口水性涂料。目前，该批货物已按国家相关规...