肠粉三兄弟
白话广州
13号系“文化和自然遗产日”，越秀区新公布咗5项区级非物质文化遗产代表性项目，其中就包含咗大家熟悉嘅广式肠粉。细心嘅朋友会发现，旁边括号仲标明咗几个字：“布拉肠制作工艺”——咁，布拉肠粉同广式肠粉算系乜嘢关系，点解要特别标出来呢？
广式肠粉通常分为3种，最常见嘅系柜筒式，其次系布拉式，最为少见嘅系窝篮式。呢3种唔同嘅工艺会为口感带来明显嘅差别。
柜筒式肠粉系用一种多层金属盒拉出来嘅肠粉，属于现代产物。佢最大嘅特点就系便捷，容易清洁。由于米浆会自然分布喺金属面上，所以蒸出来嘅粉皮相对比较厚，咬落更有质感。
相比之下，窝篮式肠粉属于古法，而家比较少见了。佢系将米浆铺落竹篮度蒸成嘅，透气性极佳，所以粉皮够薄，透明度好，可以最大程度吸收馅料同酱汁嘅鲜味。
而今次上榜嘅布拉肠系用软质嘅竹丝布拉出来嘅，所以粉皮亦更为柔软细滑，兼具薄透质感，可以喺粉皮、馅料同豉油之间达到一个好嘅口感平衡，营造出更多变化。
呢啲微小差别带来嘅唔同，亦系广式肠粉嘅魅力所在。仅仅系一张粉皮，背后就隐藏住众多奥秘，等住你亲身去感受同发现。◎梁倩薇 编辑
新闻推荐
■5月18日，大连人队在室内人造草坪场地进行训练，外援哈姆西克（右）在训练中。新华社发新快报讯记者高京报道随着CBA复赛日...