铁臂鸳鸯手

白 话广州

夏天到了。喺从化莲塘村，碧盘滚珠嘅莲花再次盛开，娇艳夺目，令人心旷神怡之余，亦不禁惗起咗一代宗师黄啸侠嘅风骨。

黄啸侠系南派武术名家，“南方五虎将”之一，曾被贺龙元帅邀请去教授公安干警“练步拳”同“擒拿术”，喺武林之中享有盛誉。佢最出名嘅系一双“铁臂鸳鸯手”，力大无穷，曾经喺南京武术比赛中用手臂生生压断石柱，技惊四座，亦因此获得咗比赛第一名。所以，提到黄啸侠，“好打”两个字自然就当之无愧啦。

不过，黄啸侠既然身为一代宗师，又点会止于“好打”咁简单呢？事实上，佢一生为中华民族做过好多贡献，其中之一就系编写咗《抗日大刀法》同《自卫棍术》，仲组织咗抗日大刀队，将罗汉门刀法传授俾抗日民众同士兵。

要知道，当时日本仔入侵，中国军人对抗嘅条件非常恶劣。佢哋营养不足，武器落后，埋身肉搏时经常执输。黄啸侠得知呢种情况，就写咗呢两本“武林秘籍”，提升咗军人嘅战斗力，亦增强咗佢哋喺战场上嘅自信。

时至今日，黄啸侠嘅技艺依然喺岭南大地上被发扬光大。佢嘅后人同弟子，亦喺文化嘅发展之中，将一代宗师嘅风骨不断传承落去。◎梁倩薇 编辑

新闻推荐

市中院院长市检察院检察长分别作工作报告 今年探索适用刑事缺席审判制度

王勇欧名宇□本版撰文信息时报记者何小敏本版摄影信息时报记者陆明杰昨日上午，广州市中院院长王勇、市检察院检察长欧名宇...