假如我系设计师

白话广州

新闻话，黄沙水产新市场开建，后年就可以起好。新市场喺荔湾嘅沙洛片区，到时啲档口会搬迁过去。呢个消息令人期待，唔知道新嘅市场会变成乜嘢样呢？

黄沙水产市场系广州嘅“地标”之一，除咗向周边供应多样生猛嘅海产品之外，仲系一个海鲜零售、餐饮嘅地方。连外地人想食海鲜阵时，都会来呢度。我谂，假如俾我来设计新嘅市场，首先要搞掂两样嘢：一系干净；二系快捷。

十几年前，我经常去黄沙市场采访，嗰阵时同事提醒，唔好着咁靓嘅鞋去。点解？因为嗰度地下到处都湿笠笠，而且仲系海水添。我谂，一个企理干爽嘅市场，无论对批发定零售、消费嘅客户，都会受欢迎。而“快捷”，一方面指交易物流嘅快，新嘅市场可以利用互联网甚至人工智能等技术，提前喺网络实现大多数交易程序，减少场地本身嘅车流、物流；另一方面，对于“散客”嘅消费，则增设快餐式、简便嘅模式，相信会受到更多普通消费者嘅欢迎。

当然，我并冇设计师嘅水平，相信新市场真正嘅设计方案，比我期望嘅要丰富得多。期待新嘅黄沙市场早啲开业，好似海鲜本身咁，生猛而有活力。◎闻歌 媒体人

新闻推荐

幼儿园6月2日起可陆续开园 以自愿为原则，不少幼儿园已在摸查返园人数

信息时报讯（记者丘敏华）昨日，广州市教育局发布了《广州市2020年春季学期幼儿园、特殊教育学校和校外培训机构返园返校时间安...