横枝岗与古墓

白 话广州

呢个月嘅10号，横枝岗有单新闻，讲嘅系嗰度发现咗一个1600几年前嘅古墓，文保部门为咗保护，将成座古墓平移咗29米，成为世界首例。

横枝岗位于恒福路同广园路之间，即横枝岗路嗰一带。

其实，熟悉广州历史嘅老街坊都知道，喺嗰度发现古墓系预料之中，因为横枝岗古代嗰时系一个墓地，葬咗好多古人。

宜家嘅横枝岗系属于广州中心区越秀区辖内，但喺古代，嗰度系广州东北面一个郊区，离当时嘅中心区(即宜家北京路、中山四路一带)比较远。

当年横枝岗嘅特点系，小山岗多，小溪水多，但地势较高，就算雨季都冇乜水患，加上北望白云山，西临麓湖，符合晒民间拣墓地要“风凉水冷”嘅要求，所以横枝岗古代一直都系好多人，尤其系有钱人家身后事首选嘅风水宝地。

亦正因为咁，自从上世纪50年代以来，横枝岗已多次、大批咁发现咗各个朝代嘅古墓，并且大部分古墓都具有非常高嘅文物价值。

话时话，广州系一座有2000几年历史嘅古城，史上曾有三朝十帝喺呢度建都称帝，好多达官贵人亦系喺呢度生养死葬，所以如果喺昔日嘅郊区“挖地三尺”，可能随时都会挖到“宝”呢。◎阿六 律师

新闻推荐

白云山七大新门岗诠释独特设计亮点何镜堂院士主持设计的南大门最快年底建成

■白云山云道试验段基本建成。■白云山西门岗■何镜堂院士介绍白云山还绿于民工程阶段性成果。七大新门岗，将给游客带...