西门口瓮城
白话广州
讲起广州嘅古城墙，当中嘅网红当然系越秀山北门嗰段明城墙。不过，呢个古城墙网红界以后可能会加多个生力军，西门口嘅瓮城就快加入了。
可能好多人问，“西门口我知道喺边，不过瓮城喺边度啊”。嚟嚟嚟，等我话你知。假如你由东往西行，过咗人民路口之后即刻向左手边望，就会见到一笪好细好细围起身嘅地。呢度就系西门口瓮城遗址。
所谓瓮城，系古代城池中依附于城门而又同城墙连为一体嘅附属建筑。以前古人打仗，有敌军侵入瓮城，守城嘅士兵就可以关起主城同瓮城嘅城门，关门打狗，亦即成语中嘅“瓮中捉鳖”。依家西门口呢个瓮城，仲可以睇到城墙上边保留落嚟嘅“藏兵洞”。
大家唔好睇小呢座瓮城，据讲只有城门足够重要时先会喺呢度搞瓮城呢种设置。即系话，唔系每个城门都有资格起瓮城嘎。
知道咁多瓮城“冷知识”，大家就可以理解点解得嗰零点零几个平方千米嘅瓮城，都要规划成重点发展区域，要起一个遗址公园啦。
◎李月婷 媒体人
新闻推荐
去年以来，一线城市除了广州，北京、上海、深圳的写字楼空置率均持续攀升。经济结构的调整和产业的变迁，是写字楼空置...