密集嘅美食节

白话广州

广州国际美食节本月初啱啱喺番禺闭幕，南沙国际美食节就紧接住开锣，同时举办嘅仲有天河美食节。一个城市可以有咁密集嘅美食节，咁就讲明佢嘅饮食文化底蕴几深厚。

广州国际美食节年年举行都非常墟憾，人多到逼爆。呢个美食节，今年就有几百个摊位成百种美食，多到你食唔晒，无论边个去都会忍唔住食返几味。即使系最普通嘅萝卜牛杂、云吞、乳鸽、猪脚姜，摊位前都会大排长龙。番禺美食“扒金山”就唔使讲啦，围晒啲人喺度又扒又食。仲有好多异国风味，好似西班牙拉丁果、法式煎牛扒、泰国芒果饭、德国咸猪手、韩国炒年糕等。嚟呢度，唔单止食得过瘾仲好抵食。咁多年来，啲摊档嘅美食好多仲系10蚊起步，百零蚊就食到饱，唔“扶墙”出嚟都唔算系逛过美食节。有两数据可以佐证——“百几万人次入场”“消费咗1亿几”。

新闻话，今日系南沙美食节嘅最后一日。呢个美食节就主打南沙地道美食，比如最出名嘅海鲜河鲜，五代人传承嘅“黄阁烧肉”，以及“疍家菜”“葵花鸡”等。如果咁都唔够喉，仲有当地嘅时令蔬果——百香瓜、番石榴等等。一句讲晒，广州嘅美食节，从来都唔会令人失望。◎阮栩 编辑

新闻推荐

餐厨垃圾的一生 从分类投放到循环再用 1吨餐厨垃圾可产出150公斤有机肥

曾虹将垃圾投放到定点垃圾分类桶刘义学将垃圾桶拉出来检查工作人员将餐厨垃圾里的纸巾等垃圾挑选出来垃圾变成了有机肥扫...