东濠涌嘅桥
白话广州
而家嘅东濠涌，其实系从明朝就开始挖掘出嚟嘅护城河。系呢条涌上边，曾经有5座古桥，分别系越秀桥、大东门桥、小东门桥、东华路桥、竺横沙桥。喺民国时期，东濠涌上仲有广州最后一座护城河桥——小东门桥。但系到而家，呢啲桥有啲成为路面桥，有啲拆咗重建，仲有啲已经消失咗。
前两日，我唔经意由环市路转入东濠涌，行咗好一段之后忽然发现：呢度大概每隔四五十米就有一条桥。好似月溪桥、状元桥、铜关桥……尤其系喺越秀北路后背嗰度，小桥流水，两边系楼房民居，好似又返到以前嗰种“碧水绕城”嘅感觉。上网查咗一下先发现，原嚟而家居然有十几条桥咁多。
根据2013年嘅规划，东濠涌嘅14座桥梁会通过“一桥一景一故事”嘅标准进行设计。好似铜关桥噉，佢嘅名据称就系源自《广州城坊志》，话当时嘅东濠涌流经法政路口铜关；而十七中门口个状元桥就系以前将文溪上边嘅嗰座桥“迁移”过嚟。行行下我先谂到，咁多桥嘅名虽然好丰富，仲好有历史渊源，但就系缺少咗佢哋啲介绍。好多桥名都系不知其所以然，如果有关部门可以加埋啲介绍系度，呢度啲桥嘅人文背景就会更加丰富、厚实啦。◎阮栩 编辑
新闻推荐
信息时报讯（记者郑晓慧）近日，在新星投资全面接管后的两个月，正逐步进行不停业局部翻修改造的中华广场，变得更明亮、整洁了，除了...