北园酒家嘅“味”

白话广州

前两日行过小北花圈，又见到北园酒家。呢个广州老字号，除咗佢知名嘅菜肴，一啲关于佢嘅对联同埋题字都有好多古仔。

北园酒家喺上个世纪二十年代创办。“山前酒肆，水尾茶寮”，呢四个字就系佢最开始嘅写照。佢初初喺旧北园嗰个位置，因为啱好对住越秀山，又有小河经过，水光山色，加上新鲜嘅菜肴，好快就出咗名。以前北园酒家嘅门口，仲有一副好出名嘅对联，系“北郭宜春酒，园林食客家”，据讲系北园原副经理胡卓所作，书法家秦咢生手书。

“食饭去北园，饮茶到泮溪”，从呢个以前嘅流行语就知道北园酒家系几受欢迎。除咗普罗大众，好多知名人士都系佢嘅“粉丝”，例如刘海粟、郭沫若。而家北园酒家一入门口埲墙，可见到“其味无穷”四个字，就系刘海粟嘅墨宝。据讲，当年刘海粟在北园食完之后，酒家有关负责人请佢写返几个字，刘老一开始就写咗个“无”字，跟住喺右边又写咗个“味”字。“无味”？当大家一头雾水嘅时候，刘老不动声色噉又加咗个“穷”字，最后当嗰个“其”字写完，大家先至恍然大悟。

冇错，北园酒家可以屹立广州食肆于不倒，靠嘅就系呢个“味”字。◎阮栩 编辑

新闻推荐

全省率先开展公益性信用修复培训，重点商务楼宇配备“信用管家” 信用修复的越秀探索

越秀区始终将诚信建设贯穿商务楼宇服务管理之中，并将商务楼宇划分为五星、四星、三星3个等级，给予楼宇业主或运营主体一次...