粤语中嘅“猫”

白话广州

“你真系一只为食猫来嘅”，喺海珠区一间超市度买紧零食嘅一对母子对话，嗰妈咪对细路仔话。“猫咁可爱，点解会为食？”小朋友笑住问妈咪。呢个问题唔单只妈咪懵咗，隔离嘅顾客亦俾佢哋逗到笑。

喺广州话里边，有唔少同猫有关嘅俗话，譬如为食猫。呢个估计同猫嘅“历史”有关。旧阵时，无论系城里定系乡下，人养猫主要嘅目的并唔系作为宠物，而系消灭老鼠。所以，嗰阵时嘅猫真正系“手停口停”，唔似加阵咁多猫粮食，仲成日俾人影相卖萌。如果万一捉唔到老鼠点办？就要靠小偷小摸，最惯嘅就系潜入厨房搵鱼、肉等，所以喺街坊嘅心中，猫系贪食嘅动物。

除咗为食，猫仲喺粤语中充当唔少“角色”。“扯猫尾”，意思系话两个人夹计呃人哋，又或者相互推卸责任，猫就好似一只扯绳公仔咁。“衰过偷猫”，偷猫系好下作嘅人先会做嘅事，俾佢仲下作，可想而知有几衰，猫系呢句话里面，成咗地位低下嘅受害者。而“老猫烧须”，即系话有丰富经验嘅人，有时亦会撞板。喺呢个俗语中，猫就摇身变成一位老行专，形象提升咗唔少。

睇来，猫喺街坊口中嘅形象，亦系鲜活而真实嘅。

◎闻歌 媒体人

新闻推荐

最低月付千元 老人在家养老 海珠区推出养老创新服务 每月7580元可享受每日24小时上门服务

广州日报讯（全媒体记者廖靖文通讯员海宣）一个月1000多元，上门为老人服务36小时，包括煮饭、打扫、帮忙洗澡和陪伴外出……这是...