好物沉归底
白话广州
“好物沉归底啊，呢啲先最好食。”喺海珠区一间火锅店，两三个后生仔一边食嘢，一边倾偈，其中有位用网捞将锅底嘅鱼片捞上来，一边笑住话。
喺广州话里面，隐藏住唔少有哲理嘅俗话，“好物沉归底”就系其中一个。我见到有啲书，将呢个俗语写成“好蜜沉归底”，似乎亦讲得过去。确实，好嘅蜂蜜物理上嘅密度，一定要比水大，所以沉落底部，证明佢冇花假，系正嘢。我估计，“蜜”呢个词后来先引申到“物”。呢个词亦有个背景，一方面广州人中意饮汤，另一方面南方水网密布，所以从水中捞鱼捞虾。沉喺汤底水底嘅，一定喺大鱼或靓嘢，所以就有咗呢句俗语。
呢句话仲透过浅显嘅生活常识，话俾我哋知唔少道理，譬如，认识事物唔可以只睇表面，有啲浮喺面头嘅，未必系真相。所以，我哋要善于观察，仔细思考同深入研究，先可以搞清楚啲嘢，先可以取得科学嘅突破，或者了解事物嘅实情。
科学研究如此，换一个角度睇，喺对待人生嘅遭遇上亦如此，有啲人出尽风头，有啲人就默默喺背后努力，为咗自己进步潜心积累，或者为社会为他人做紧奉献。对比之下，边个境界更好，已经一目了然。◎闻歌 媒体人
新闻推荐
黄斐给前来公司面试的模特量三围。南都人物给你好看追梦人黄斐，80后，广州人，毕业于广州美术学院雕塑系，尝试过各种各样的...