荷叶嘅妙用

白话广州

时至六月，沙湾宝墨园荷花盛开。古色古香嘅亭台楼阁之间，小荷尖尖，绿叶轻摇，好一派初夏岭南景，即时引来咗唔少街坊嘅长枪短炮。

荷花呢种植物，其实喺我国好多地方都有。佢容易生长，外型又生得够靓，历代文人雅士都中意对荷吟咏，话佢品性高洁，出污泥而不染；又话佢莲开并蒂，寓意情意连绵不绝……于是讲来讲去，而家几乎有水嘅地方，大家都中意种几株荷花来赏玩了。

广州，自然亦唔例外，亦有烈士陵园、东山湖公园、华南植物园、流花湖公园等出名嘅赏荷地。不过，作为一座饮食名城，广州同荷嘅缘分会更加接地气一啲。广州人善于以荷入馔，药膳合一，享尽一花一叶带来嘅自然馈赠。

比如煲汤嘅时候，如果你要广州师奶用荷叶来清热解毒，佢哋就会变出好多花款：荷叶冬瓜老鸭汤、莲子百合煲猪肺、莲藕鱿鱼干煲排骨……于炎炎夏日之中，享其食养之效，得其祛湿之功。个中原理，听起来有啲复杂，但做出来不过系家常手势而已。一系列花馔嘅寒热品性、烹调技法，往往唔使刻意去教，只须细时跟住妈妈入厨房耳濡目染，大个自然就做得出来。

善用资源来调理身体机能，适应湿热环境，早已成为岭南人民嘅集体智慧；顺势而为，包容并蓄，亦成为咗广州城市品格嘅重要部分。

◎梁倩薇 编辑

新闻推荐

中日友好交流故事会在大阪“开讲” 回顾友好交流的动人佳话 展望中日关系的美好未来

故事会现场，漫画家金城(右）携手知名“网红画家”林帝浣(左），一起现场作画，并将画作赠送给了日本福冈羊城晚报讯记者罗仕、通讯...