粤语睇“520”

白话广州

星期一，一位广州师奶同小弟嘅对话。

师奶：你今日俾520蚊红包我。

小弟：点解？

师奶：今日“520”，“我爱你”呀，速磅速磅，唔好两头望。

小弟：“520”广州话系“唔要你”喔，所以唔俾得你。

师奶：边个讲嘎？

小弟：黄子华啰。

师奶：黄子华正××（此处隐去两字）

多得栋笃笑之王帮小弟悭番五嚿水。

0-9呢十个数字，喺民间一直都有组合成吉祥意思嘅传统，主要体现喺谐音方面，但唔同方言，就有唔同嘅理解。

“520”有个“同门”系“1314”，普通话系“一生一世”，但粤语就系“一生一死”，真系大吉利是。从普通话讲，“520”同“1314”本应系绝佳一对，但粤语就唔得。我睇过一位老兄用“520”同“1314”组成嘅数学公式，一组系加法：1314+520=1834，粤语谐音系“一巴呏死”；一组系减法：1314-520=794，粤语谐音就系“黐×线”。

“520”本身就系商家谂出嚟嘅营销噱头，在商言商，无可非议。作为市民，无论用边种话去读，都唔使去较真，觉得好听，就娱乐下；觉得唔好听，咪当系一个玩笑，呵、呵、呵啰。

爱一个人最重要嘅数字唔系“520”，而系“365”——每日都爱，系咪，广州师奶？

◎阿六律师

新闻推荐

广州工业大学人工智能科普讲座星海中学专场举办 走近人工智能 感受科技魅力

本报讯（记者麦博通讯员赵淑勤）5月15日下午，在同学们热烈的掌声中，星海中学喜迎广东工业大学人工智能科普讲座团专家广东工业...