酒家应设“半例”
白话广州
早几日，去江南大道南某酒家食饭，发现菜单上有一个新名词——半例（例牌份量嘅一半）。
或者系小弟孤陋寡闻吧，但小弟“纵横”酒家咁多年，的而且确好少见过有“半例”。
众所周知，酒楼啲餸最常见嘅份量系叫例牌，一般系四人用量。如果人多可以点中牌，但如果两个人呢，唔好意思，都只能点例牌。很明显，例牌系份量中最细嘅，即“起步价”。
无可否认，“四人”系去酒楼食饭嘅“主流”，所以例牌成为“最常见”，但系，两人就餐宜家系一股“次主流”，情侣、夫妻、商务洽谈（两人）等已经系酒家嘅常客。
不过，唔少两个人去酒楼开饭都有同一感受——好难点餸。啲餸最细份量系例牌，点得多食唔晒（毕竟每份都系四人份量），点得少食得晒，但想食其他餸就食唔落。当然，亦可点多啲，食唔晒打包走，但系，大佬，出嚟食饭唔系为咗打包嘎，况且，明知食唔晒仲夹硬点，本身就系浪费。
江南大道南呢间酒家推出嘅半例，我觉得系一种创新，呢个份量最啱两人食，据讲好受欢迎。作为酒家，半例睇上去比例牌赚少咗，但客人点多两个餸食，啲钱咪返番嚟啰，酒家冇蚀底嘅。
最近，广州有单位倡导食客文明用餐，我觉得，酒家同样要文明“煮”餐，整多啲半例，食客自然“食”得文明。
◎阿六律师
新闻推荐
广州市召开推进粤港澳大湾区建设领导小组第四次全体会议 全力推动粤港澳大湾区建设不断取得新成效 张硕辅主持并讲话 陈建华出席
信息时报讯（记者吴瑕通讯员史伟宗）昨日，广州市召开推进粤港澳大湾区建设领导小组第四次全体会议，传达学习贯彻粤港澳大湾区建...