穗港养老业
白话广州
最近，有一批香港长者嚟到广州考察养老产业情况。佢哋想趁住行得走得，多去几个大湾区城市睇下，对养老院做个比较，为日后生活作进一步打算。
香港长者嚟广州养老，如今已成潮流。实际上，佢同广州嘅发展关系好大。以前，广州生活便利，费用相对低廉，对于香港长者来讲都有一定吸引力嘅。但系，因为养老产业发展得迟，配套未跟得上，所以单靠一个“平”字，虽然令人心中一动，但动完之后，好多长者仲系留喺养老服务起步早嘅香港。
但今时唔同往日。穗港交通方便，路程一个钟头就搞掂。香港长者要来往两地唔会好似以前咁山长水远。同时，广州嘅养老亦逐渐实现产业化，唔单止院舍比香港阔落，而且注重人才体系培养，会选择有专业资质嘅年轻人——唔似得香港，护理员年纪普遍比较大，虽然有经验，有耐性，但精力无年轻人咁好，照顾长者就唔一定咁舒服了。
以上原因，都令到越来越多嘅香港长者选择嚟广州养老。佢哋亦会将香港嘅一啲要求带到呢边，比如注重个人护理同埋长者复健嘅经验等等。呢啲要求，无形中亦会令到广州嘅养老服务继续完善同进步。
所以，香港长者来到广州养老，系一件对于穗港两地老人都有益嘅好事，必将为两地嘅养老产业带来更多嘅借鉴。
◎梁倩薇 编辑
新闻推荐
上周以来，视觉中国因图片版权归属问题，成为热议话题，令广大用户不满的，是视觉中国的“钓鱼维权”。不过，在普通公众认知中，图片...