以前嘅生菜会
白话广州
喺广州，坑口村过年系最长嘅，一直要过到正月廿六——嗰日，做完大名鼎鼎嘅坑口生菜会先算过完年。讲起生菜会，大家都会谂到“观音借库”、生菜包。呢个有三百几年历史嘅民俗活动，旧阵时又系咩场景呢？
据《广州府志》记载，生菜会吃生菜，最初是为咗“迎生气”，同“生财”“观音借库”冇咩关系。到咗后嚟就定咗喺白衣观音诞（农历正月二十六）嗰日。其实，喺明末开始，芳村就有一个历史仲悠久嘅生菜会——赤岗生菜会。呢个“赤岗”，喺而家东漖海南村嘅附近。因为岗上有座观音庙，从清代开始就有“观音开库日”，慢慢噉就同生菜会嘅习俗融合埋一齐，后嚟观音庙荒废咗就冇再重建。旧阵时赤岗生菜会嘅重头戏系“抢炮头”，据讲抢到炮头嘅人会发财添丁，但系下一年要“还炮”，送贺礼俾返观音庙，同而家嘅“借库”“还库”系同样嘅道理。
而坑口都有座观音庙，坑口生菜会喺清末先开始逐渐兴起，嗰时嘅生菜会，有“连台大戏”、舞狮、比武等等，场面热闹过赤岗。传统嘅坑口生菜会，从子时就开始（正月廿五23点到廿六凌晨1点），因为相传系吉时，好多人都会去观音庙抢上头柱香。到咗今时今日，芳村就剩低坑口生菜会，而家唔单止名头越嚟越响，嚟逛嘅人都越嚟越多。◎阮栩 编辑
新闻推荐
羊城晚报讯26日，广州市规划和自然资源局与广州农商银行、民生银行、招商银行、浦发银行、华夏银行、邮储银行在广州市不动...