广州利是点止5蚊

白话广州

年初五，地铁有人漏低咗个袋。工作人员一清点，发现里面有7个利是封，足足装咗万几蚊。网友一睇就话：肯定唔系广州人嘅利是封。

“广州人派利是唔攀比”嘅形象早已深入人心，以至于大家见到成叠钱，就认定唔系广州人派嘅。实际上，情况未必系咁咯，唔系封封利是都如网上讲“只有5蚊10蚊”嘎。

广州人派利是一般分为3种情况。第一种系重大场合，比如娶新抱嘅开门利是、至亲结婚嘅恭喜利是、过年发俾细路嘅压岁钱，金额都会比较大。如果兄弟姐妹之间互相派俾各自嘅细路，数目亦会注意，你派100，我就派100，同其他地方一样讲究平衡。

区别比较大嘅系“细利是”，通常喺过年、结婚、满月酒等场合，见人就派嘅嗰种。因为人数多，相应地，金额就会比较少啦，会有两蚊、5蚊、10蚊，20蚊已经算多了。但无人会俾1蚊，因为唔好意头。

除此之外，广州人仲有一种意头利是，唔系派嘅，系摆嘅。比如屋企买盆桔，就会挂好多利是封上去。封中唔可以“空”（音同“凶），必须有钱，呢个时候金额就好随意了。

所以话，广州人啲利是，金额同样系依场合而定嘅。只不过，街坊的确唔执着，唔会认为俾得少就系“攞唔出手”。呢点朴实民风，至今都令人倍感温暖。

◎梁倩薇 编辑

新闻推荐

广州市委理论学习中心组举行专题学习会 担当历史责任 展现胸怀格局 着力建设国际大都市 张硕辅主持并讲话 温国辉陈建华刘悦伦出席

信息时报讯（记者何小敏通讯员史伟宗）昨日，广州市委理论学习中心组举行集体学习会，专题学习习近平总书记视察广东重要讲话精神...