腊八与腊廿三

白话广州

啱啱过去嗰个星期日系腊八节，但喺广州嘅街头巷尾几乎感受唔到有乜嘢节日气氛，亦好少听到三姑六婆谈论呢个节日，更睇唔到各家各户为咗呢个节日而忙到踢晒脚，事关广州人唔系好兴过呢个传统节日。

腊八节最早起源于古代先秦，据讲佛教创始人释迦牟尼嘅成道之日系喺十二月初八，民间为咗祈求风调雨顺，就拣咗呢日嚟祭祀祖先同神灵。以前过腊八节都几大阵仗嘎，有好多仪式要搞，有啲地方甚至仲有搞击鼓驱疫嘅巫术活动，当然，节日当日唔少得要煮番一大镬腊八粥分俾大家食。但系，一直以嚟，呢个节日主要喺北方比较重视，北方有“过了腊八便是年”嘅讲法，因为过咗腊八天气就开始有大变化，明显进入年关，所以腊八系一个大节。而喺南方广府地区，由于地理气候等原因，腊八节前后天气都差唔多，过咗腊八“年味”仲系未浓，坊间唔觉得过咗呢日就入年关。

事实上，广府人有自己嘅“入关”日，即传统上所讲嘅“腊月廿三——祭灶入年关”。到咗腊月廿三呢日，好多传统家庭都会拜灶君，俗称“谢灶”。

唔同地区嘅文化习俗自然有唔同，但喺传统节日上仲系“大同小异”嘅，比如，过农历年大家都系视为全年最重大嘅节日，但冬至、腊八节呢啲过年前嘅“餐前小食”，大家就各有所爱。◎阿六 律师

新闻推荐

“Y指数年度榜单”出炉 广州领跑广东各地市 中山发布最具影响力

2018年广东政务传播哪家强？Y指数年度榜单昨日发布曾俊荣摄指数年度榜扫黑除恶成绩单政务传播羊城晚报记者刘云广东作为互...