海珠广场威水史
白话广州
最近，海珠广场又要扮靓啦，包括景观、道路、街区及建筑，仲有各式灯光，内容相当丰富。
好多老街坊都知道，海珠广场嘅地位举足轻重，但后生一辈可能唔知。抗日战争之前，呢度本来系一片民居。因为邻近五仙门发电厂同海珠桥嘅缘故，时不时被炮火蹂躏，所以先会被夷为平地。
新中国成立之后，海珠广场就开始走向辉煌啦。1958年，广州市政府决定重点规划海珠广场，要将佢建成一个绿化休闲地带同商业文化中心。之后，广州宾馆、华侨大厦喺附近先后拔地而起。而喺广场嘅西北面，中国出口商品陈列馆，城中著名嘅苏式建筑，亦开始破土动工，并于1959年8月建成。从嗰时起，闻名全国嘅“广交会”就喺呢度举办咗29届。
呢个系海珠广场最威水嘅时光，每日客似云来，路通财通。广州解放纪念雕像嘅树立，为呢度再添一处地标。新鲜嘅城市设施亦会率先喺度投放，比如广州第一盏“太阳灯”，一种异常明亮嘅组合灯具，1966年喺呢度亮起。当时，唔少街坊专登带针线过去，就想睇吓系唔系可以光到穿针。呢个时期，海珠广场地位不断上升。好多人过来广州，都一定会来呢度映像留念。
如今，虽然广交会一早搬走咗，但海珠广场依然系一个热闹、舒服嘅休闲景点，魅力不减。◎梁倩薇 媒体人
新闻推荐
南方日报讯（记者/刘怀宇通讯员/穗国规宣）作为广州最具传统风情的地区之一，海珠广场及周边地区将重新焕发新活力。日前，《海珠...