“中国嘅贝利”
白话广州
天河一家商场，最近展出“与子同袍”球衣珍藏展。其中，广州足球仔、名宿容志行收藏嘅一件10号球衣又再亮相。呢件球衣，到底有几威水？
原来，球衣原先嘅主人，就系大名鼎鼎嘅球王贝利。而家，年轻人听到“贝利”二字，都会惗起佢预测世界杯比赛时大声夹无准，但实际上，人哋当年都系世界数一数二嘅足球明星，职业生涯出赛1366场，入咗1283个波，唔单止被载入吉尼斯世界纪录，就连佢嘅10号球衣，亦成为咗中场核心嘅标志。
咁出名嘅一位球王，1977年嘅时候，率领美国宇宙队过来同中国打咗一场比赛。赛后，佢对记者话：“中国队11号都系一位世界级球星啊。”11号就系容志行。当时，终场哨响起嘅时候，贝利仲一手拉住容志行，表示要同佢交换球衣。于是，就有咗今日展出嘅嗰件10号球衣。而容志行，亦从此有咗“中国贝利”嘅称号。
当然，容志行嘅成名，其实在那之前的6年已经开始。1971年，古巴国家队来广州访问，喺越秀山体育场迎战广东队。一开波，佢哋就入咗一球，令广东队陷入被动。情急之下，新手容志行临危受命，上场一传一射，帮助广东队2:1反超并终结比赛。而呢场“身价波”，因为打得荡气回肠，亦成为咗中国球迷一段集体回忆。◎梁倩薇 编辑
新闻推荐
本报记者张欣培上海报道8月14日，巨人网络（002558.SZ）再次以跌幅收盘。复牌之后的首个交易日（8月13日）巨人网络更是直接跌停。...